Desde a súa orixe, a festa do magosto consistía nunha celebración en torno ao lume, coa que os nosos antepasados honraban as boas colleitas. Entre castañas e chourizos asados, acompañados de vino tinto novo, xuntábanse nas frías noites de primeiros de novembro, para compartir contos e lendas antigas. Unha fermosa tradición que chegou ata nosos días.
Asociacións de veciños, colexios, grupos de familias e amigos reúnense agora a redor dunha fogueira para asar as castañas, saltar a cacharela e para pintar a cara de cinza uns a outros cós restos da fogueira.
Este festexo xeralmente vense celebrando entre a festividade de Tódolos Santos e o San Martiño, día de matar o porco.
Consulta o programa de actividades nestas datas.