Nosos avós son gardiáns de moitas experiencias e a súa complicidade é unha das mellores formas de dar a coñecer o noso patrimonio, a nosa forma de ser e vivir. Así, nos meses de verán, e a través de visitas guiadas, aprenderás sobre distintas temáticas: profundarás no funcionamento dun dos 120 muíños de auga catalogados neste municipio; visitarás o porto de Cabo de Cruz, onde un dos bens máis prezados do noso municipio, o mexillón, ten a maior das súas riquezas; experimentarás cómo é o marisqueo na praia de Abanqueiro da man das mariscadoras da Cooperativa Ría de Arousa; e coñecerás un estaleiro tradicional para presenciar cómo se constrúe un barco. Un programa que contribúe a converter o boca a boca nun auténtico relevo xeracional. So tes que concertar cita na Oficina de Turismo para participar nel.
PERÍODO DE VISITAS: Desde principios de xullo ata principios de setembro, en horario de luns a venres.
DURACIÓN APROXIMADA: 1 hora
MAIL: turismo@boiro.org
TELÉFONO: 981 842 654
ACCESIBILIDADE: Practicable para persoas con movilidade reducida.