Cada 16 de xullo, no porto de Cabo de Cruz, parroquia de Santa María do Castro, vense celebrando a tradicional procesión marítima na honra á Virxe do Carme, patroa dos mariñeiros. Durante a procesión, e a varias millas do porto, a flota forma un círculo para realizar a ofrenda floral en memoria dos falecidos no mar, envoltos polo incesante son das bucinas. Este momento convértese nun dos máis emotivos desta festa mariñeira.