Nas inmediacións da ermida de San Ramón de Bealo encóntrase un conxunto de máis dunha ducia de gradaduras rupestres, das cales as máis coñecidas son A Pedra da Serpe e A Laxe do Agüeiro. A Pedra da Serpe fai alusión a un trazo curvo e sinuoso que foi interpretado como un ofidio, considerado por algunhas culturas como animais malignos, e en outros como un animal benfeitor, propiciador de saúde e incluso protector en caso de guerra. Normalmente atribúeselle un carácter cíclico e de inmortalidade porque cambia de pel significando o renacemento; presentando certo paralelismo con outros mitos de sociedades pre-agrícolas aos ciclos da lúa. Os ritmos luares marcan sempre unha creación, lúa nova, seguido de un crecemento (lúa chea) e dun decrecer e morte, que tras tres noites sen lúa volve a rexurdir; o que lle confire un carácter cíclico ao tempo (morte e resurrección permanente).
ACCESIBILIDADE: Non practicable para persoas con movilidade reducida.