A arquitectura relixiosa ocupa un lugar destacado dentro do patrimonio histórico – artístico boirense e ten nas igrexas parroquiais as mostras máis destacadas deste tipo de arte. Practicamente todas foron modificadas no século XVIII coincidindo co bo momento económico e demográfico que atravesaron estas terras. Calquera dos nosos templos é merecedor de ser visitado e seguro que sempre encontraremos algún detalle que esperte a nosa curiosidade.